होटलको शुल्क बढाएर होमस्टेलाई छुट, होमस्टेमा ५० प्रतिशतले कटौती   •   नेपाल र चीनबीच के के सम्झौता भए ? (फोटो फिचर)   •   अग्रज पर्यटन व्यवसायी विक्रम पाँडे काजीले चिनेको ‘पासाङल्हामु शेर्पा’   •   रवि लामिछानेलाई लागेको आरोपबारे अमेरिकाबाट प्रेम बाँनिया यस्तो भन्छन्   •   प्रदेश सरकारकोे अनुदानप्रति स्थानीय तह असन्तुष्ट   •   नेपाली कांग्रेस जिल्ला सभापतिको भेलामा आजदेखि बन्दसत्र

युरोपियन कमिसनको प्रतिबन्धित सूचीबाट हटेनन् नेपालका १८ एयरलाइन्स

33231

nac-nepal-airlince-1३ जेठ, काठमाडौं । युरोपियन कमिसनले सुरक्षाको कारण देखाउँदै सन् २०१३ बाट नेपालका एयरलाइन्स कम्पनीहरुमाथी लगाएको प्रतिबन्ध अझै फुकुवा गरेको छैन् ।

नेपाली बिमान कम्पनीहरुमाथीको प्रतिबन्ध कायमै राखेर मंगलबार कमिसनले एयर सेफ्टी सम्बन्धि सूची जारी गरेको हो । प्रतिबन्धित १८ कम्पनीको सूचीमा नेपालको ध्वजावाहक नेपाल एयरलायन्स समेत सामेल छ ।

नेपालले पटक पटक यस्तो प्रतिबन्धित सूचीबाट नेपाली एयरलाइन्स कम्पनीहरुलाई फुकुवा गर्न आग्रह गर्दै आएको भएपनि कमिसनले त्यसको सुनवाई गरेको छैन् ।

‘कमिसनको हवाई सुरक्षा सूचीले कम्पनीहरुलाई उच्च कोटीको सुरक्षा व्यवस्था सुनिश्चितता कायम गर्न मात्र सघाउदैन्, यसले प्रतिबन्धबाट प्रभावित देशहरुलाई उनीहरुको सुरक्षाको स्तरमा सुधार गर्न समेत सहयोग गर्दछ,’ कमिसनले भनेको छ ।

कमिसनले सार्वजनिक गर्ने यस्तो सुचीले अन्य कम्पनीहरुलाई समेत प्रतिबन्धमा पर्नबाट पहिले नै सजक गराउने अपेक्षा गरिएको छ ।

प्रतिबन्धित सूचीबाट बेनिन र मोजाम्बीक्युका बिमान भने फुकुवा भएका छन् । तर यिनमा थप सुधार भने आवश्यक रहेको कमिसनले उल्लेख गरेको छ ।

प्रतिबन्धित सूचीमा नाइजेरिया, सेन्ट भिन्सिन्ट, ग्रिनाडिज, युक्रेन र जिम्बाबेका एक–एक एयरलाइन्स कम्पनी पनि प्रतिबन्धको सूचीमा थप गरेको छ ।

युरोपियन आकासमा उडान भर्न कुल १ सय ८१ कम्पनीलाई यसपटक रोक्का गरिएको छ ।


Leave a Reply

Your email address will not be published. Required fields are marked *

*
*