यसरी हुँदैछ हिमालयन ह्वाइटवाटर च्यालेन्ज   •   तिङ्लाको ‘नो भोट’मा फुट ल्याउने उम्मेदवारको प्रयास असफल   •   संचारकर्मी तथा यूवा गायक सचिन राईको नयाँ गीत रेकर्ड   •   राई पत्रकार संघद्धारा गोपाल छाङ्छा राईलाई ५४ हजार सहयोग   •   आङगेलु शेर्पालाई जिताउन नागरिक समाज सोलुको सार्वजनिक अपिल   •   टानका नवनिर्वाचित नेतृत्वद्वारा पदभार ग्रहण

नेपाल पर्वतारोहण संघको चुनाव भोली

चुनावी रौनकबीच आपसी घोँचपेच जारी

nima and deepak finelनेपाल पर्वतारोहण संघ (एनएमए)को निर्वाचन आउन अब एक दिन बाँकी छ । सन्तबीर लामा र जिम्बाजाङबु शेर्पा समुहबीच हुने यो चुनावको लागि विभिन्नखालका एजेण्डाहरु प्रस्तुत भइरहेका छन् । अन्तिम अवस्थासम्म सहमतीय नेतृत्वका लागि पहल हुने अपेक्षा मतदात व्यवसायी तथा आरोहीहरुले गरेका थिए । तर अन्ततः दुईटै पक्षले आफ्नो अडान कायम राखेपछि चुनाव भइछाड्ने अवस्था आएको हो । चुनावी अभियानको क्रममा विभिन्न घोचपेचहरु भइरहेका छन् । यसै सन्दर्भमा लामा समुहका चुनाव प्रचार प्रसार समिति संयोजक निमानुरु शेर्पा र निटका अध्यक्ष तथा जिम्बा समुहका मुख्य योजनाकार दीपक महतसँग शिखरपोष्टले गरेको कुराकानीमा आधारित सामाग्री:

  • एनएमएमा सहमातीय नेतृत्व ल्याउन निटले ढोका दियो 

nimaनिमानुरु शेर्पा, प्रचार–प्रसार संयोजक -सन्तबीर लामा प्यानल

नेपाल पर्वतारोहण संघको नयाँ नेतृत्व चयनका लागि निर्वाचन मिति नजिकिएसँगै सन्तबीर लामाको टिमको प्रचार–प्रसारको क्रममा सम्बन्धित संघसंस्था र अन्य व्यवसायीहरुसँग भेटघाट र छलफल गरिरहेका छौ । हाम्रा एजेन्डाहरुबारे उनीहरुलाई जानकारी गराईरहेका छौ । चुनावी प्रचारका क्रममा हाम्रा विपक्षीहरुले बिभिन्न भ्रमपूर्ण प्रचार गरिरहेका छन् । त्यसका विषयमा एनएमएमा आवद्ध व्यवसायी सबैलाई राम्रो जानकारी छ । त्यसकारण यस विषयमा धेरै भनिरहनु पर्छ जस्तो लाग्दैन ।

तर हामीले के बुझ्न आवश्यक छ भने पिक सरकारकै हो तर त्यसको व्यवस्थापनको जिम्मा एनएमएले पाएको हो । सरकारले विगतमा जुन उद्देश्यका लागि भनेर ति पिकहरु एनएमएलाई संचालनको जिम्मा दिएको थियो । तर त्यसको व्यवस्थापन उद्देश्य अनुसार नभएपछि विगतमा सजग बनाएको मात्र हो । यसमा कसैले पनि अनावश्यक प्रचार गरिरहनु आवश्यक छैन । हिजोको नेतृत्वको कमि कमजोरीको कारण सरकारले सचेत गराएको हो । त्यो समयमा पनि अहिलेका अध्यक्षका उम्मेदवार सन्तबीर लामाले कति सम्म लड्नु भएको छ भन्ने कुरा सबैलाई थाहा छ । यदी कसैलाई विश्वास लाग्दैन भने अड्डा, अदालतमा गएर हेर्दा पनि हुन्छ । त्यसकारण जसले पिक जोगाउन लडेको छ । उसैलाई अनावश्यक आरोप लगाउनेको नियत के हो आफै बुझ्न सकिन्छ ।

हाम्रो प्रमुख एजेन्डा हो एनएमएलाई कुनै निजी कम्पनीको रुपमा संचालन गर्नु भएन । यसलाई नेशनल अल्पाईन क्वलको रुपमा विकास गर्नुपर्छ । सोही कार्यका लागि यो टिम आएको छ ।
खास सुरुमा म पनि अध्यक्षको दाबेदार थिए । तर, निर्वाचनको बारेमा छलफल अगाडि बढाउदै जादा निटले सन्तबीर लामालाई सहमतीय आधारमा एनएमएको अध्यक्ष बनाउने सहमति जनाएपछि सन्तबीरलाई सहमतीय आधारमा अध्यक्ष बनाउने सहमाति जनायो । त्यसपछि सहमातीय नेत्रित्व आउछ भने म वाघक बन्न हुदैन भनेर मैले पनि सन्तबीरलाई समर्थन गरेर अध्यक्षको दावेदारीबाट पछि हटेको थिए । तर अन्तमा त्यो भएन । बिचमा जे भएपनि सन्तबीरको नेतृत्वमा एउट राम्रो टिम बनेको छ । जुन टिमले नेपालको पर्वतीय पर्यटनको विकासमा महत्वपूर्ण काम गर्ने छ ।

  • हामीले कहाँ घोका दियौ, उहाँहरुभित्रै समस्या छ  

deepakदिपक महत, अध्यक्ष -नेपाल पर्यटन व्यवसायी संघ (निट)

अप्रयाप्त समयका बाबजुत पनि हामीले गत १६ गते स्वतन्त्र उम्मेद्वार जिम्बाजाम्बु शेर्पाको नेतृत्वमा नेपाल पर्वतारोहण संघको नेतृत्वका लागि एउटा समक्ष टिम गठन गर्यौ । अहिलेसम्मको अनुभवमा मैले के पाइरहेको छु भने जसले निर्वाचन जित्छ उसको उम्मेदवार छनौट लगायतमा विषयमा पनि धेरै बिबाद हुदैन । हाम्रो सन्दर्भमा पनि त्यी भयो र हामीले कुनै बिबाद बिना टिम गठन गर्यौ । त्यसको सार्वजनीक गर्यौ र मनोनय दर्ता गर्यौ । त्यसपछि हामी अहिले पनि नेपाल पर्वतरोहण संघमा आवद्ध व्यवसायी, आरोही, लगायतका सरोकारवाला व्यक्तिहरुसँग भेटघाटको क्रममा छौ । एनएमएसँग सम्बन्धित व्यवसायीहरु सम्म पुगेर भोट माग्ने क्रम चलिरहेको छ ।

विगतमा हामीले सन्तबीर लामालाई नेपाल पर्वतारोहण संघको सहमतिय उम्मेवदार बनाउने भनेर सहमति गरेको हो । तर निटलाई एमाले पक्षधरका साथीहरुले लगाउनु आरोप गलत हो ।

हामीले लामो समयसम्म सन्तबीरलाई सहमतीय आधारमा एनएमएको अध्यक्ष बनाउनुपर्छ भनेर भनिरहदा र सोही अनुसार छलफलहरु गरिरहदा उहाँहरु आफैले त्यसलाई कुनै वास्ता नगरि आफ्नो पक्षको उम्मेदवारी घोषणा गर्नुभयो । त्यसपछि पनि केही प्रयासहरु हामीले गर्यौं त्यो सम्भव भएन ।

त्यो नभइसकेपछि सहमतिको समय घड्कियो । सहमित–सहमति भनेर हामी बसिरहदा निर्वाचनको थप तयारी गर्न नभ्याउने भयौं । अर्को तर्फ चुनावी प्रतिस्प्रर्धामा जादा सन्तबीरले जित्ने अवस्था रहदैन थियो । यो थाहा हुँदा हुँदै पनि माओवादीका साथीहरु लुरुक्क लागेर एमालेसँग मिल्नपुग्यो । सिमित स्वार्थमा माओवादीले सन्तबीरलाई अध्यक्षमा सघायो । त्यसपछि हामीले जिम्बाको नेतृत्वको टिमलाई सघाउने निर्णय गरेका हौ ।

नेपाल पर्वतारोहण संघको विद्यान संशोधन गरेर अध्यक्ष लगायतका प्रमुख पदहरु एक कार्यकाल मात्र बन्न पाउने व्यवस्था गर्न निट तयार छ । अहिले दोहोर्यो भन्ने साथीले यो प्रस्ताव ल्याउन हामी समर्थन गर्न सधै तयार छौ । तर अहिलेको बिधान नेत्रित्व दोहोर्‍याउनको लागि बाधक छैन । त्यो पनि अहिले लामा समुहका अध्यक्षका उम्मेदवार नै १७ वर्ष एनएमएमा बसेर काम गरेको अनुभव छ भन्दै प्रचार गरिरहनु भएको छ, अनि त्यो चाही के नदोहोर्‍याएको हो त ?

Leave a Reply

Your email address will not be published. Required fields are marked *

*
*

Close