विश्व बैंक २३ वर्षपछि पुनः अरुण बेसिनमा प्रवेश गर्न खोज्दै, माथिल्लाे अरुणमा चासाे   •   प्रियंका र आयुष्मानले गरे इन्गेजमेन्ट   •   साउन १६ देखि दोहामा दैनिक उडान भर्दै नेपाल एयरलायन्स   •   रुकुममा जीप दुर्घटना : ७ जनाको मृत्यु, ४ घाइते   •   विश्वकप फुटबलको उपाधि ट्रफीसँगै ३९ मिलियन डलर   •   नारायणी र कोशीमा पानी जहाजको सम्भावना

सोलुखुम्बुमा ७ हजार ६७६ मतदाता थपिए

प्रदेश निर्वाचन क्षेत्र नम्बर २ भन्दा १ नम्बर क्षेत्रमा करिब ५ हजार मतदाता बढी

38480
  • शिखरपोष्ट डेक्स  

solu shikharpostसोलुखुम्बु, २४ असोज । सोलुखुम्बुमा ७ हजार ६७६ मतदाता थपिएका छन् । गत स्थानीय तह निर्वाचनमा जम्मा ६१ हजार ७४६ मतदाता रहेको सोलुखुम्बुमा प्रदेश सभा र प्रतिनिधी सभा निर्वाचनमा मतदाता थपिएर ६९ हजार ४२२ पुगेको जिल्ला निर्वाचन कार्यालयले जनायो ।

जसमा महिला मतदाताको संख्या ३४ हजार २८४ र पुरुष मतदाताको संख्या ३५ हजार १३८ रहेको छ ।

प्रदेश सभा निर्वाचनका लागि सोलुखुम्बुको दुई वटा क्षेत्रमध्ये एक नम्बर क्षेत्रमा मतदाता बढी रहेका छन् । दुई नम्बर क्षेत्रको तुलनामा एक नम्बर क्षेत्रमा चार हजार ९ सय १६ मतदाता बढी रहेको जिल्ला निर्वाचन कार्यालयले जनाएको छ ।

एक नम्बर क्षेत्रमा १८ हजार ९८६ पुरुष र १८ हजार १८३ महिला गरी जम्मा ३७ हजार १६९ जना मतदाता रहेकाछन् भने दुई नम्बर क्षेत्रमा १६ हजार १५२ पुरुष र १६ हजार १०१ महिला गरी जम्मा ३२ हजार २५३ मतदाता रहेकाछन् ।

सोलुखुम्बुको नेचासल्यान गाउँपालिका, दुधकौशिका गाउँपालिका, सोताङ गाउँपालिका र माहाकुलुङ गाउँपालिकालाई मिलाएर एउटा क्षेत्र (१ नम्बर क्षेत्र) र सोलुदुधकुण्ड नगरपालिका, लिखुपिके गाउँपालिका, दुधकोशी गाउँपालिका र खुम्बु पासाङल्हामु गाउँपालिकालाई मिलाएर अर्को क्षेत्र (२ नम्बर क्षेत्र) बनाइएको छ ।

 


Leave a Reply

Your email address will not be published. Required fields are marked *

*
*