जलविद्युत र सिँचाइमा लगानी गर्न अमेरिका इच्छुक   •   काठमाडौँको ‘रिङरोड’भित्र ३ रुटमा केवलकार, जहाँ गएपनि ४० रुपैयाँ मात्रै भाडा लाग्ने   •   चार महिला पत्रकारद्वारा सगरमाथाकाे सफल अाराेहण   •   ८८४८ मिटरमाथि ‘मेरी खालिङनी आमाले बुनेको फेङ्गा’   •   गाउँपालिकाद्धारा स्वास्थ्य चौकीलाई आधुनिक रगत परीक्षण उपकरण प्रदान   •   शनम शाक्य हत्या तथा ३८ सय केजी सुन तस्करीका मुख्य नाइके 'गोरे' सार्वजनिक (भिडियोसहित)

संचारकर्मी तथा यूवा गायक सचिन राईको नयाँ गीत रेकर्ड

केही दिनभित्र भिडियोसहित सार्वजनिक गर्ने तयारी

39354

sachinशिखरपोष्ट/काठमाडौं । किरात राई पत्रकार संघका केन्द्रीय सदस्य समेत रहेका यूवा गायक सचिन राईले नयाँ गीत रेकर्ड गरेका छन् । उनको ‘तिमलाई देखेपछि प्यार बढ्यो सानु’ बोलको गीत काठमाडौंस्थित अन्नपूर्ण रेकर्डिङ स्टुडियोमा रेकर्ड गरिएको हो ।

‘खोटाङ सुगम स्टार’ र पहिलो ‘नेपाल आइडलको फस्ट रनरअप’को उपाधिसमेत पाइसकेका गायक राईले केही दिनपछि भिडियोसहित उक्त गीत सार्वजनिक गर्ने बताएका छन् ।

‘गीत रेकर्ड भइसक्यो अब भिडियो सुट गर्दैछौ,’ उनले आफ्नो नयाँ गीतबारे भने, ‘यो डान्सिङ नम्बर हो, युवा पुस्तालाई लक्षित गरी बनाइएको गीत हो । भिडियो सुट सकिएपछि एकैचोटि भिडियोसहित सार्वजनिक गर्दैछौ ।’

गीतका शब्द शान्तकुमार राईले लेखेका हुन् भने संगीत अशोक लोहोरुङ राईले गरेका छन् ।

खोटाङको रुपाकोट मझुवागढी नगरपालिकास्थित बाम्राङ स्थायी घर भएका गायक राई रेडियो जर्नालिस्टसमेत हुन् । उनी खोटाङबाटै सञ्चालन हुँदै आएको रुपाकोट सामुदायिक रेडियोका कार्यक्रम प्रस्तोता हुन् ।

तर पछिल्लो कालमा भने उनी रेडियो पत्रकारिताभन्दा पनि कलाकारितामै केन्द्रित हुन थालेका छन् । यही कारण पनि पछिल्लो समय उनी पत्रकारभन्दा गायकको रुपमा लोकप्रिय बन्दै गएका छन् ।

उनी स्टेज प्रोग्रामकै लागि हङकङ, मलेसियालगायत विभिन्न देश पुगिसकेका छन् भने नेपालका विभिन्न ठाउँमा कन्सर्टको सिलसिलामा पुगिसकेका छन् ।


Leave a Reply

Your email address will not be published. Required fields are marked *

*
*