डा. रेनुकाको ‘सोलुखुम्बु आउनु है हजुर’ यूट्युब च्यानलमार्फत सार्वजनिक (भिडियोसहित)   •   दशैं बिदामा कुन बैंकका कुन शाखा कहिले खुल्छन् ? यस्तो छ सूचि   •   अन्नपूर्ण, मनास्नु र गौरीशंकर संरक्षित क्षेत्रको पर्यटन प्रवेश शूल्कमा भारी वृद्धि   •   एनआरएन बेल्जियमका अध्यक्ष दाहालद्धारा आरोही नर्विन मगरको अभियानका लागि ५० हजार आर्थिक सहयोग   •   सङ्घ, प्रदेश र स्थानीय तहको संस्थागत संरचनामा विश्व बैंकले सघाउने   •   कांगे्रस सोलुखुम्बु काठमाडौं सम्पर्क समितिको शुभकामना आदनप्रदान तथा चियापान कार्यक्रम सम्पन्न

नाट्टाको आर्थिक पारदर्शीताका लागि मेरो उम्मेद्वारी: राजकुमार थापा

40231

raj_thapaशिखरपोष्ट/काठमाडौं । आगामी पुस २८ गते हुने नेपाल एशोसिएसन अफ टुर एण्ड ट्राभल एजेन्टस् (नाट्टा) को कोषाध्यक्ष पदमा युवा व्यसायी राजकुमार थापाले उम्मेदवारी दिएका छन्। सिएन पाण्डे नेतृत्वको समूहबाट कोषाध्यक्ष पदमा उम्मेदवारी दिएका थापाले नाट्टालाई आर्थिक रूपमा सक्षम, सबल र समृद्ध बनाउनका लागि आफुले उम्मेद्वारी दिएको बताएका छन्।

गाउँ पर्यटन प्रर्वद्धन मञ्च (भिटोफ नेपाल)का पूर्वमहासचिव, मगर पर्यटन ब्यबसायी संघका वर्तमान उपाध्यक्ष रहेका उनले आफु नाट्टामा निर्वाचित भएपछि ठुलो सानो सबै ब्यवसायमैत्री नीति बनाउनका लागि प्रयत्नशिल रहने, ब्यबसायीको घाटी कस्ने काममा कुनै हालतमा सम्झौता नगर्ने, सधैंव ब्यबसायीको हक हित र सम्रक्षणका लागि काम गर्ने, एयरलाइन्ससँग गरिने सिण्डिकेट प्रनालीलाई टोडी सबैलाई सहज बनाउने भूमिका निर्बाह गर्ने प्रतिबद्धता जनाएका छन् ।

‘म अरुले जस्तो भवन बनाउने, जग्गा खरिद गर्ने कुरा मात्र गर्दिन’ उनले भने, ‘विगतमा धेरै कुराहरु भए तर काम केही भएन त्यसकारण अव म काम गरेर देखाउछु ।’ पछिल्लो समय सरकारले कम्पनीहरुको पूँजी बृद्धि गर्ने निर्णयले साना तथा मझौला व्यवसायीलाई ठुलो समस्यामा पर्ने भन्दै उनले त्यसलाई सम्बोधन गर्न पनि सबैसँग सहकार्य गर्दै काम गर्ने प्रतिवद्धता जनाए ।

नेपालमा हिमालय मार्टदेखि विभिन्न अन्तर्राष्ट्रियस्तरका मार्टको आयोजनालाई व्यापक बनाउने लक्ष्य राखेका थापाले वाह्य पर्यटकको बसाई लम्ब्याउनेबारे आफूले महत्वपूर्ण भूमिका निभाउने दाबी गरे। यस्ता मार्टको आयोजनाले नेपाली पर्यटन बजार विश्वभर फेलिन्छ। यसका लागि आवश्यक सबै तह र तप्कासँग समन्वय गरेर अगाडि बढ्ने बताए।

नेपालमा राष्ट्रिय ध्वजाबाहक जहाज थप्नेबारे योजना बनाएको भन्दै उनले नेपालमा लाग्दै आएको ल्याण्डिङ चार्जमा पुनरावलोक गरी विदेशी जहाजलाई समेत नेपाल भित्र्याउन पहल गर्ने बताए। सानो एयरपोर्ट त्यसमा पनि महङ्गो ल्याण्डिङ चार्ज भएपछि त्यसै पनि कम जहाज आउने भन्दै उनले यदि सरकारसँग राम्रो कुरा गर्न सकिए रातिको समयमा समेत फ्लाइट गराएर पर्यटक भित्र्याउन सकिने बताए।

यसअघि संस्थामा जम्मा भएको रकम बैंकमा होइन उत्पादनमुलक क्षेत्रमा लगानी गरेमा संस्था र संघसँगै व्यसायीको आर्थिक उन्नतिमा केन्द्रित गर्ने योजना सुनाए।

hh‘सदस्यता शूल्कमा मात्र कस्ने होइन। विभिन्न एयरलाइन्ससँग कन्ट्याक गरी सबै टिकट होल्ड गरेर आफूले चाहेको मूल्यमा बिक्री गर्ने परम्परालाईसमेत अन्त्य गर्ने अग्रसर हुन्छु,’ उनले भने,‘ साना तथा मझौला र ठूला व्यवसायलाई एकै हिसाबले हेरी व्यसाय मैत्री वातावरणका लागि पहल गर्छु।’

उनले करको दायरामा नआएका व्यवसायीलाई पारदर्शी हिसाबमा करको दायरामा ल्याउने दाबी गरे। ‘कुनै पनि व्यवसायीलाई व्यसाय गर्ने सहज वातावरण भएमा करको दायरामा स्वतः आइहाल्छन् नि,’ उनले सुझाए। पर्यटन क्षेत्रमार्फत संस्था र देशलाई आर्थिक समृद्धीमा सघाउन सकिने उनको भनाए छ । ए वान एक्सकर्सन टुर एण्ड ट्राभल्सका सञ्चालकसमेत रहेका थापा दुई दशकदेखि उनी पर्यटन क्षेत्रमा आवद्ध छन्। उनले देश–विदेशको समेत अनुभव हासिल गरेका छन् ।

व्यवसायिक हक अधिकार सुनिश्चिततासँगै आर्थिक पारदर्शीतालाई आफ्नो मुख्य एजेण्डा बनाएका थापाले नाट्टालाई आर्थिक रुपमा सक्षम बनाउनका लागि आफूले उम्मेद्धारी दिएको दोहोर्‍याए।पचास वर्षअघि स्थापित ट्राभल तथा टुर व्यवसायीको छाता संगठन नाट्टामा भद्रपुर, पोखरा र धनगढीमा क्षेत्रीय तथा पाल्पामा जिल्ला शाखा छन भने चुनावमा ४ सय ६७ मतदाताले भाग लिनेछन ।14064056_10205024446930998_4259486546262467737_n


Leave a Reply

Your email address will not be published. Required fields are marked *

*
*