टुर्गानले मनायो ३०औं अन्तर्राष्ट्रिय टुरिष्ट गाइड दिवस   •   ‘विपावर’काे पहिलाे क्षेत्रीय सम्मेलन सुरु   •   ६ सचिवको सरूवा, पर्यटन मन्त्रालयमा सापकोटा   •   विदेशी लगानीका पाँच किसिमका परियोजनालाई हेजिङ सुविधा प्रदान   •   सुन तस्करीको सञ्जाल ध्वस्त पार्न सफल भएका छौं: गृहमन्त्री थापा   •   सुदूरपश्चिम प्रदेशसभामा प्रधानमन्त्री ओली: विकासकाे नायक बन्न सांसदहरूलाई आग्रह

तेस्रो ‘टान लाङटाङ अन्तर्राष्ट्रिय म्याराथन’ प्रतियोगिता २५ अप्रिलमा हुँदै

41711
  • शिखरपोष्ट रिपोर्टर 

bg1काठमाडौँ, १६ चैत । ट्रेकिङ एजेन्सीज एशोसिएशन अफ नेपाल (टान)ले तेस्रो ‘टान लाङटाङ अन्तर्राष्ट्रिय म्याराथन’ प्रतियोगिताको तयारी थालेको छ । २५ अप्रिल २०१८ मा आयोजना गर्नेगरी लाङटाङ अन्तर्राष्ट्रिय म्याराथनको तयारी पारिएको टानका प्रवक्ता गोपाल श्रेष्ठले जानकारी दिए ।

म्याराथन क्यान्जिङ गोम्पाबाट सुरु भइ स्याब्रुवेसीमा समापन हुने यस वर्षको प्रतियोगितामा स्वदेशी तथा विदेशी सहित करिब २ सय जनाको सहभागिता रहने श्रेष्ठले बताए ।

यस वर्षको म्याराथनका लागि कार्यसमिति सदस्य तथा टान स्पोर्टस् एण्ड इभेन मानेजमेन्ट डिपार्टका कोर्डिनटर रितु ग्याम्दानको संयोजकत्वमा काम अघि बढाइएको हो । नेपाल पर्यटन बोर्डको सहयोगमा उक्त कार्यक्रम आयोजना गर्दै आएको छ ।

पर्यटकीय क्षेत्रमा साहसिक खेलको माध्यमबाट पनि पर्यटन गन्तव्यको प्रचार प्रसार गर्न सकिने तथा अन्तर्राष्ट्रिय स्तरमा नेपालको पर्यटन क्षेत्रको प्रवर्दन गर्न सकिने अपेक्षा लिइएको छ ।

२०७२ सालको भुकम्पले ध्वस्त भएको लाङ्टाङ क्षेत्रलाई पहिलेकै अवस्थामा ल्याउन र पर्यटन प्रवर्दनका लागि सुरु गरिएको यो लाङटाङ अन्तर्राष्ट्रिय म्याराथनलाई टानले आफ्नो वार्षिक कार्यक्रमको रुपमा राख्दै आएको छ ।

म्याराथनको बारेमा थप जानकारीका लागि यहाँ क्लिक गर्नुस्


Leave a Reply

Your email address will not be published. Required fields are marked *

*
*