‘सोलुखुम्बु आउनु है हजुर’लाई भ्रमण वर्ष २०२० को अफिसियल गीत बनाउने पर्यटनमन्त्री अधिकारीको घोषणा   •   अर्जुन खालिङ स्मृतिग्रन्थ लोकार्पणसँगै अर्जुन चिन्तन र आन्दोलनमाथि बहस   •   नेकपाको स्थायी कमिटी बैठक बस्नुअघि सचिवालय बैठक   •   नुवाकाेटकाे घ्याङ्फेदी दुर्घटनाः घटनास्थलमै मृतकहरूकाे पाेष्टमार्रटम   •   यसरी बने सिडी विजय अधिकारी ‘द भ्वाइस अफ नेपाल’को पहिलो विजेता   •   इम्जा तालको लम्बाई बढ्दै, गुगल अर्थको तस्बिरमा अवस्था सामान्य

तामाकोशी निर्माण एक दिन पनि ढिलाई नगरन प्रधानमन्त्रीको निर्देशन

42011

??????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????चरिकोट । प्रधानमन्त्री केपी शर्मा ओलीले दोलखाको बिगु गाउँपालिका–१ मा निर्माणाधिन माथिल्लो तामाकोशी जलविद्युत आयोजनाको आज स्थलगत अनुगमन तथा निरीक्षण गर्दै कर्मचारीलाई तोकिएको समय तालिकाभन्दा एक दिन ढिलाई नगरी आयोजना सम्पन्न गर्न निर्देशन दिएका छन् ।

प्रधानमन्त्री ओलीले बहुचर्चित ४५६ मेगावाटको सो आयोजनाको सुरुङ मार्ग र बाँधस्थलको आज अनुगमन तथा निरीक्षण गर्दै आयोजनाका कर्मचारीले गैरजिम्मेवारी देखाउने र लापरबाही गर्ने काम वर्तमान सरकारले हुन नदिने बताउँदै देश विकासमा सहयोग पु¥याउन आग्रह गरे ।

उनले आयोजनाको ढिलाइले दैनिक चार करोड घाटा भइरहेको बताए ।

प्रधानमन्त्री ओलीले ऊर्जा मन्त्री, ऊर्जा सचिव, विद्युत प्राधिकरणका कार्यकारी निर्देशक समेतलाई सँगै राखेर आयोजनाका कर्मचारीलाई आयोजना निर्माणका क्रममा कुनै समस्या वा बाधा अड्चन आए सिधैं आफूलाई खबर गर्न आग्रह गरे ।

प्रधानमन्त्री ओलीले अहिलेको सरकार नयाँ ढंगका साथ नयाँ गति र नयाँ योजनाका साथ अगाडि बढेको बताउँदै समृद्ध नेपाल निर्माणका लागि आत्मविश्वासका साथ अगाडि बढेकाले सरकारको कुनै पनि अंगबाट विकास निर्माण कार्यमा समस्या नआउने उल्लेख गरे ।

आयोजना निर्माणमा चिनियाँ ठेकेदार कम्पनी सिनो हाइड्रोले केही ढिलाई गरिरहेकाले समस्या समाधान गर्न प्रधानमन्त्री ओलीले आफूसँगै चिनियाँ राजदूत यु होङलाई समेत साथै लगेका थिए ।

राजदूत यु होङले आयोजनाको काममा ढिलाईबारे चासो प्रकट गर्दै सिनो हाइड्रो कम्पनीका मुख्य व्यक्तिहरुसँग छलफल गरेर टुङ्ग्याउने बताए ।

अनुगमनमा ऊर्जामन्त्री वर्षमान पुनले आयोजना सरकारको उच्च प्राथमिकतामा रहेको बताउँदै समयमानै निश्चित तालिकाभित्र निर्माण सम्पन्न हुनैपर्ने बताए ।

हालसम्म आयोजनाको ९४ प्रतिशत निर्माण कार्य सम्पन्न भइसकेको आयोजनाका प्रवक्ता गणेश न्यौपानेले बताए । आयोजनाको वित्तीय व्यवस्थापन र मोडल तथा अन्य विषयबारे आयोजनाका प्रमुख कार्यकारी अधिकृत विज्ञानराज श्रेष्ठले आयोजनाको हालसम्मको अवस्थाबारे प्रधानमन्त्रीलाई जानकारी गराए । श्रेष्ठले आयोजनाको काम केही चुनौतीपूर्ण रहेको र चरिकोट लामासाँगु सडक क्षतिग्रस्त रहेका कारण आयोजना निर्माण सामग्री ढुवानीमानै समस्या भएको बताए । श्रेष्ठले चिनियाँ कम्पनी र भारतीय ठेकेदार कम्पनीले गरेको कार्य प्रगतिजनक नभएको भन्दै ठेकेदार कम्पनी ठेक्सनाको रेलवये इन्जिनियरिङलाई कूटनीतिक तहबाट चाँडो कार्य सम्पन्न गर्न सरकारले अनुरोध गरिदिन प्रधानमन्त्रीलाई आग्रह गरेका थिए ।

आयोजना भूकम्प र नाकाबन्दीका कारण दुई वर्ष पर धकेलिएको छ । आयोजनाले आगामी २०७५ साल पुस मसान्तसम्म पहिलो युनिटबाट विद्युत उत्पादन गर्ने लक्ष्य राखेको छ भने सबै छबटा युनिटबाट विद्युत उत्पादन २०७६ साल वैशाखबाट गर्ने बताइएको छ ।

आयोजनाको हालसम्मको लागत ३७ अर्ब ७१ करोड रहेको बताइएको छ भने आयोजना सम्पन्न हुँदासम्म लागत रकम ४९ अर्ब २९ करोड पुग्ने प्रवक्ता न्यौपानेको भनाइ छ । रासस


Leave a Reply

Your email address will not be published. Required fields are marked *

*
*