तारा एयरकाे विमान मन्थलीमा दुर्घटना   •   हिमालयन ट्राभल मार्टको तेस्रो संस्करण जुन ७ देखि ९ सम्म   •   गाउँ पस्दै कांग्रेस, तोकियो ७७ जिल्लाकै प्रतिनिधि   •   ‘नेपाल–चीन शैक्षिक मेला’ काठमाडौंमा सुरु   •   अन्नपूर्ण पदमार्गमा वन्यजन्तुको सङ्ख्यामा बृद्धि   •   २३ करोड इन्टरनेट प्रयोगकर्ताको एउटै पासवर्ड, यसरी बच्नुहोस् तपाईं

एनसीटीटीएम कलेजले दोस्रो पर्यटन महोत्सव आयोजना गर्दै

46017
  •  माधव सुवेदी

dकाठमाडौं, १ फागुन २०७५ । पर्यटन प्रवद्र्धन र विकासका लागि विविध कार्यक्रम आयोजना गर्दै आएको नेपाल कलेज अफ ट्राभल एण्ड टुरिजम (एनसीटीटीएम)ले दोस्रो शैक्षिक पर्यटन महोत्सव २०१९ आयोजना गर्ने भएको छ । आन्तरिक तथा वाह्य पर्यटन सम्बन्धी जनचेतना फैलाउने मुख्य उद्देश्यका साथ अघिल्लो वर्षदेखि कलेज र विद्यार्थीहरुको सङ्लग्नतामा सुरु गरिएको पर्यटन महोत्सवको दोस्रो संस्करण यही १४, १५ र १६ फेबु्रअरी २०१९ मा आयोजना गर्न लागेको हो ।

अघिल्लो वर्षको पर्यटन महोत्सव अत्यान्तै उपलब्धिमूलक भएकाले त्यसलाई पुनः आयोजना गरिएको र अब हरेक वर्ष यसलाई निरन्तरता दिइने आयोजकले जनाएको छ । कलेज आफै पर्यटनसँग सम्बन्धित भएकाले मुलुकको पर्यटन प्रवद्र्धन र विकासमा कलेजले प्राथमिकता दिएको हो ।

महोत्सवमार्फत लुकेर रहेका पर्यटकीय गन्तव्यहरुको पहिचान गर्दै प्रवद्र्धन गर्न टेवा पुग्ने विश्वास लिइएको छ । पर्यटक लक्षित विभिन्न गतिविधि तथा प्याराग्लाईडिङ, वाल क्लाइम्बिङ, टे«किङ, राफ्टिङलगायतका पर्यटकीय स्टल राखिने तथा विभिन्न खाने कुराहरुको स्टलसमेत रहने छ ।

पर्यटन व्यवासायीहरुको सहभागिता र सहकार्य रहने उक्त महोत्सवमा विभिन्न संस्कृतिजन्य प्रदर्शनीका साथै विभिन्न छुट योजनासमेत रहने जनाइएको छ । आयोजक कलेजले महोत्सवमा सहभागिताका लागि सार्वजनिक आह्वानसमेत गरेको छ ।
p

 


Leave a Reply

Your email address will not be published. Required fields are marked *

*
*