व्यवसायीहरु नमिलेसम्म पर्यटन क्षेत्रको भ्रष्टाचार नरोकिने नेता न्यौपानेको भनाइ   •   टान निर्वाचनको पूर्वसन्ध्यामा पूर्वअध्यक्षहरुको भेला !   •   कम्पनी रजिस्ट्रार कार्यालयले पनि सम्पत्ति शुद्धीकरण निर्देशिका जारी गर्ने   •   रवि लामिछाने पत्नी निकिताको उजुरी दर्ता गर्न प्रहरीले मानेन   •   प्रधानमन्त्री ओली र भारतीय विदेशमन्त्री जयशंकरबीच भेटवार्ता   •   २ बुदे घोषणापत्र जारी गर्दै सकियो माक्र्सवाद तथा एसियाली दर्शन अन्तर्राष्ट्रिय सम्मेलन

आगामी फागुनमा ‘पर्यटन लगानी सम्मेलन’

47945

D-Y1hpPU4AAD9apfile picture

साउन ७, काठमाडौं । नेपालको पर्यटन क्षेत्रमा लगानी प्रवद्र्धन गर्ने उद्देश्यले आगामी फागुनमा पर्यटन लगानी सम्मेलन काठमाडौँमा आयोजना गरिने भएको छ ।

नेपाल भ्रमण वर्ष २०२० को अवसर पारेर भ्रमण वर्ष सचिवालयले पर्यटन लगानी सम्मेलन गर्ने तयारी गरेको हो । पर्यटनमा लगानीको दुई पक्षीय सम्झौता गर्ने गरी लगानी सम्मेलन आयोजना गर्न लागिएको भ्रमण वर्ष अभियानका राष्ट्रिय कार्यक्रम संयोजक सुरज वैद्यले जानकारी दिए ।

एशियाली विकास बैंक, विश्व बैंक र इन्टरनेशनल फाइनान्स कर्पोरेसन (आइएफसी) सँगको साझेदारीमा पर्यटन लगानी सम्मेलन गरिनेछ । “यो विगतका लगानी सम्मेलन भन्दा फरक हुन्छ, लगानी अवसर र सम्भावना सुनाउने मात्र हैन लगानी सम्बन्धी सम्झौता र प्रतिबद्धता आउने गरी सम्मेलन गर्ने तयारीमा छौ”, संयोजक वैद्यले बताए ।

सम्मेलनमा छिमेकीमूलुक भारत र चीनका अलावा युरोप, मध्यपूर्वी एशियालगायत मुलुकबाट पनि लगानीका लागि व्यवसायी आउने जनाइएको छ । पर्यटनको कुन क्षेत्रमा कस्तो लगानी गर्ने भनेर सातवटै प्रदेशका मुख्यमन्त्री र निजी क्षेत्रसँग छलफल गरिएको छ । संयोजक वैद्यका अनुसार दुई÷तीन चरणको छलफल भइसकेका छ ।

तुलनात्मक रुपमा कम पर्यटक आउने प्रदेश नं– २ लाई नेपालको अध्यात्म पर्यटनको गन्तव्यको रुपमा विकास गर्ने लक्ष्यसहित प्रवद्र्धनको गतिविधि बढाइनेछ । जनकपुरको जानकी मन्दिर बाहेक अन्य महत्वपूर्ण धार्मिक क्षेत्र छन् । जैन धर्मका २४ वटा भगवानमध्ये एक त्यही जन्मेको पाइएको छ । प्रदेश सरकारलाई मन्दिरका लागि जग्गा माग गरिएको र त्यहाँ ठूलो जैन मन्दिर निर्माण गरिएमा धार्मिक पर्यटन बढ्ने सम्भावना रहेको वैद्यको भनाइ थियो । गुरु नानकको पनि मन्दिर बनाएर पर्यटन प्रवद्र्धन गर्ने योजना रहेको छ ।

प्रदेश नं– ५ मा पर्यटकीय पूर्वाधार तारे होटल, सपिङ सेन्टर, अध्यात्म केन्द्र आदि सञ्चालन गर्न सरकारसँग ५० वर्षको लागि जग्गा भाडामा दिलाउन माग गरिएको संयोजक वैद्यले जानकारी दिए । उक्त क्षेत्रमा जग्गाको सुनिश्चितता भए पर्यटन लगानी सम्मेलनबाटै लगानी भित्र्याउने योजना बनाइएको छ ।

अहिले मध्यपूर्वी मुलुकका लगानीकर्ताले नेपालको पर्यटन क्षेत्रमा लगानीका लागि चासो देखाएका छन् । पर्यटन लगानी सम्मेलन अघि मुलुकको एक मात्र त्रिभुवन अन्तर्राष्ट्रिय विमानस्थलको सुधार गरी आतिथ्य सत्कारको नमूना प्रस्तुत गरिने संयोजक वैद्यले बताए। रासस


Leave a Reply

Your email address will not be published. Required fields are marked *

*
*